Prindër kini kujdes, këto janë 8 fotografitë e fëmijëve që nuk duhet t’i postoni kurrë në rrjete sociale

0
116

Nq qoftë se disa vite më parë, mundësia e vetme për t’u lidhur me familjarët apo të dashurit tuaj ishte nëpërmjet telefonatave të largëta, letrave apo kartolinave e fotografive që qarkullonin dorë më dorë, tanimë mjafton nje click për t’i sjellë pranë pavarësisht kilometrave që ju ndajnë.

Sigurisht që prania e rrjeteve sociale ka ndryshuar kryekëput jetën e çdokujt që i përdor, por gjithashtu ka ngritur alarmin e rrezikut sidomos kur bëhet fjalë për sigurinë e fëmijëve. Në artikullin e mëposhtmë, ju ftojmë të zbuloni cilat janë 8 rastet kur nuk duhet të ekspozoni fëmijët tuaj për asnjë arsye në asnjë rrjete social.

1.Foto nga dushi
Çdo foto e fëmijës suaj pjesërisht ose tërësisht e zhveshur nuk është mirë që të publikohet. Për ju mund të jetë një moment i dashur, por mund të bjerë në duar të gabuara si ato të pornografëve. Kështu që për sigurinë e fëmijëve tuaj mos i postoni këto foto.

2.Kur janë të sëmurë
Si prindër, mbrojtja e fëmijëve është detyra kryesore dhe nuk duhet të përfitoni prej tyre. Përpara se të postoni foto të tilla pyesni veten nëse do ju pëlqente që dikush të postonte një foto tuajën në atë gjendje.

3.Foto që i vënë në siklet
Foto të tilla mund të kenë efekt shkatërrues për fëmijët. Jo vetëm që shkel besimin mes prindërve dhe fëmijëve, por shkakton çrregullime stresi post-traumatik, depresion dhe ankth.

4.Foto nga uturaku
Mos harrroni seçdo gjë që postohet në internet zgjat përgjithmonë dhe ndoshta fëmijës suaj nuk do t’i pëlqente të shikonte një foto të tillë kur të rritet.

5.Detajet private
Mbajini fëmijët të sigurt duke mos ndarë kurrë emrat e tyre të plotë, adresat, ku shkojnë në shkollë, adresën ku i mban dadoja etj.

6.Foto në grup
Nëse vendosni të ndani fotot e fëmijëve tuaj në internet, kjo është zgjedhja juaj. Por, duhet të bëni kujdes me fotot ku ka edhe fëmijë të tjerë pasi ju nuk keni të drejtë të merrni këtë vendim për ta.

7.Kujdes bullizmin
Tregohuni të vëmendshëm, sepse mund të ketë foto që nxjerrrin në pah ndonjë dobësi të fëmijës suaj dhe kjo mund të bëhet objekt që ta tallin në shkollë, kopsht etj.

8.Aktivitete të pasigurta
Foto me një gotë alkool ose cigare në dorë? Mos i postoni këto foto në rrjete sociale sepse përcillni mesazhe të gabuara dhe nxisni diskutime që do t’ju lëndojnë.

PËRGJIGJU

Please enter your comment!
Please enter your name here